Гурт Re1ikt выступіць з новым вакалістам на буйным фестывалі ў Польшы
Апублікавана
у
Навіны
Гурт Re1ikt выступіць з новым вакалістам на буйным фестывалі ў Польшы
Пасля канцэртнага зацішша мінскі post metal гурт Re1ikt рыхтуецца да выступаў з новым вакалістам. Ім стаў Сяргей Долгушаў.
Сяргей вядомы ўдзелам у фолк-гурце Vuraj, эксперыментальным праекце Fratrez. Таксама ён цягам некалькіх гадоў быў артыстам Белдзяржфілармоніі.
Лідар Re1ikt Аляксандр Дземідзенка: «Мы разглядалі Сяргея амаль адразу, але паколькі ён быў заняты сваімі праектамі, то яму было цяжка знайсці вольны час. Гэта выдатны вакаліст, таленавіты артыст і проста добры творчы чалавек. Як паказалі першыя сумесныя рэпетыцыі, наша музыка гучыць выдатна! Акрамя таго, слухачоў чакаюць сюрпрызы — гучанне Re1ikt абнавілася».
Музыка будзе сесійным удзельнікам Re1ikt, таму гурт паралельна працягвае пошукі сталага вакаліста.
Наступны выступ Re1ikt адбудзецца на Halfway Festival (Op!era Folk Fesitval) у польскім горадзе Беласток 30 чэрвеня. Гэта найбуйнейшы гарадскі open-air, які праводзіцца ў амфітэатры Оперы і Філармоніі Падляскай. На ім выступаюць сонграйтэры, фолк- і рок-выканаўцы з усіх куткоў свету.
На Halfway Festival 2012 у ліку хэдлайнераў у гэтым годзе заяўлены Аліна Арлова (Латвія), Вася Абломаў (Расія), Гайдамакі (Украіна), Great Lake Swimmers (Канада), The Mountain Goats, Woven Hand (абедзе — ЗША) і інш.
Відэа Re1ikt з новым вакалістам можна паглядзець на tuzin.fm.
0 каментароў