avatar

Гурт Re1ikt выдасьць новы канцэртны DVD
Апублікавана у Навіны

Гурт Re1ikt выдасць новы канцэртны DVD

Беларускі post metal гурт Re1ikt рыхтуецца да выхаду другога live DVD. Здымкі праходзілі на канцэрце-прэзентацыі новага альбома «Рэкі прабілі лёд» у мінскім клубе Re:Public 30 кастрычніка 2011 года.

Па словах музыкаў, гэтым DVD яны хочуць скончыць стары перыяд гурта Re1ikt і пачаць новы: гэта быў апошні выступ з былым вакалістам каманды. Цяпер гурт рыхтуе новы матэрыял і працуе з новым франтмэнам, які хутка будзе прадстаўлены слухачам. Рэліз атрымаў працоўную назву «Крыгаход» (‘Kryhachod’).

Re1ikt – першапраходцы беларускамоўнага post metal. «Рэкі Прабілі Лёд» стаў першым афіцыйна выдадзеным альбомам у гэтым стылі, цалкам выкананым на беларускай мове. Ён выйшаў на лэйбле «Вігма» летась у кастрычніку і заняў 13-е месца па колькасці прададзеных дыскаў сярод беларускіх музычных рэлізаў кампаніі за 2011 год.

У сваёй музыцы Re1ikt таксама спалучаюць такія накірункі, як progressive rock, post rock, art rock, alternative rock.

Прапануем паглядзець трэйлер да новага DVD Re1ikt.


re1ikt.com/
innerberlin.com/

0 каментароў

Каб пакінуць каментар