avatar

У кліпе беларускага гурта Re1ikt здымаўся Грэбеньшчыкоў
Апублікавана у Навіны



У кліпе беларускага гурта Re1ikt зняўся Грэбеньшчыкоў.

Беларускі progressive rock гурт Re1ikt рыхтуецца да выхаду новага альбому і прэзентуе відэакліп на галоўную кампазіцыю дыску.

«Рэкі пад Ільдом» — так завецца відэа, знятае гамельчуком VJ Medwedsky. У ім зняліся гомельскія муўыкі і дзеячы андэграўнда, сярод якіх цёзка Грэбеньшчыкова.

Яны напераменку выконваюць новы спеў, як быццам маючы на ўвазе, што выбар ёсць у кожнага. І кожны можа нешта зрабіць у гэтым жыцці, галоўнае — пажадаць.

Музыкі прысвячаюць новы твор усім тым, хто змагаецца і не гледзячы ні на што пераадольвае складанасці.

Кліп здымаўся ў Гомелі, так як менавіта ў рок-сталіцы Беларусі прайшла значная частка творчага шляха гурта Re1ikt: «Не гледзячы на тое што пачыналі мы ў Светлагорску, але ж менавіта на гомельскім лэйбле ўпершыню выйшаў наш альбом, у Гомелі мы выпусцілі DVD „Акустычная тэрапія“. Там жа запісалі наш трэці альбом, які выходзіць на Вігме пры падтрымцы BMA».

На мінулым тыдні музыкі выкінулі ролік у сеціва, які адлюстроўваў працэс здымак. За гэты час яго праглядзелі больш за 1000 разоў!

Александр Дземідзенка: «Я вельмі шчаслівы, што кліп і кампазіцыя выклікалі такую цікаўнасць у слухачоў. Таму што наш новы альбом будзе вельмі прыгожым і выяўленчым. Пры стандартным для рок-музыкі наборы інструмэнтаў мы шмат эксперыментавалі, выкарыстоўвалі разнастайныя эфекты і атрымалі ў выніку незвычайную музыку».

Паглядзець і запампаваць новы кліп Re1ikt можна з афіцыйнага сайта гурта re1ikt.com.

А паслухаць, якім аатрымаўся новы дыск Re1ikt «Рэкі прабілі лёд», можна будзе 30 кастрычніка ў межах канцэртнай прэзентацыі альбому ў мінскім клюбе Re: Рublic.
У канцэрце прымуць удзел беларускія гурты «Рокаш» і Partyzone, чые альбомы таксама выйшлі ў гэтым годзе, і Unia.

Пераклад: Р.Шабека.

0 каментароў

Каб пакінуць каментар