Black Veil Brides і адданыя фанаты

Апублікавана 12 лютага 2014, 21:30 у Навіны

Вось як вы лічыце, ці можа які-небудзь малады гурт мець большую колькасьць прыхільнікаў, чым, скажам, культавыя і легендарныя Iron Maiden ці Black Sabbath? Адказ: “Так!”, ды яшчэ як! Карацей кажучы, неверагоднае побач!

Тут вось зусім нядаўна чытачы Інтэрнэт-часопісу Loudwire.com высьветлілі, у якога гурта большая колькасьць прыхільнікаў. Галасавалі яны галасавалі, ды фаны гурта Black Vile Brides (ня вельмі вядомага нашаму слухачу) націскалі больш за ўсіх. Другое месца заняў таксама амерыканскі гурт Avenged Sevenfold (і зноў жа, ня вельмі знакаміты ў нашых палясцінах), трэцяе месца аказалася за японцамі Dir En Grey, далей ішлі Five Finger Death Punch, Iron Maiden, Black Sabbath, Lamb of God, Pearl Jam, Dream Theater, Queens of the Stone Age.

BVB мае настолькі адданых фанаў, што яны забілі першае месца ў катэгорыі “Самыя адданыя прыхільнікі” ужо трэцяга штогадовага Loudwire Music Awards. Тут застаецца толькі павіншаваць хлапцоў зь перамогай і пажадаць посьпехаў у будучыні. Хоць хлопцы і маладыя, дрышчаватыя і мабыць крыху жанападобныя, яны зьдзейсьнілі неверагоднае, пересталі граць нейкі emo core і пачалі сыпаць адборнымі рыфамі ў добрых традыцыях heavy metal, glam metal і shock rock.

А што думаеце вы наконт пераможцы гэтага конкурсу?


Сяргей Бохан (Rocker)