Фэст "Гонару Продкаў"

Апісаньне

04-05 ліпеня 2015 году ў Вілейцы (Менская вобл.), адным з самых маляўнічых гарадоў Беларусі, які славіцца чысьцінёй і багацьцем сваёй прыроды, пройдзе рыцарскі фэст «Гонару Продкаў 2015».

Мэтаю мерапрыемства зьяўляецца папулярызацыя гістарычнае спадчыны прамаці сучаснае Беларусі — ВКЛ (Вялікага Княства Літоўскага, Рускага і Жамойцкага) і яго краін-суседзяў XI-XVI стагодзьдзяў, дапамога ў разьвіцьці мечавога і лучнага спорту ў Рэспубліцы Беларусь, пасоўваньне народнае творчасьці, аб’яднаньне майстроў, рамесьнікаў і музыкаў на адной пляцоўцы, захаваньне традыцый сярэднявечнай і народнае творчасьці, перадача майстэрства, навыкаў, сакрэтаў старажытных відаў рамёстваў і ўменьняў.

Канцэртная праграма рыцарскай пляцоўкі “Гонару Продкаў” 2015:
Znich (Менск, FolkPaganMetal)
AquaProfunda (Менск, Medievalfolk)
Кашлаты Вох (Менск, вар’яцтва і скокі
Rokash (Менск, нэафолк-рок)
Nevrida (Менск, фэнтэзы фолк)
Cad Goddeu (Берасьце, Medieval folk rock)
Скудрынка (Ліда, Medieval folk)
Chernovar (Вялейка, folk rock)

Выступоўцы этна-пляцоўкі:
Горынь (Менск, народныя сьпевы)
Рутвіца (Менск, народныя сьпевы)
Капэля“На Таку” (Менск, танцавальна-сьпеўны гурт)
Мярэжа (Менск, народныя сьпевы)

На фэсьце «ГонаруПродкаў 2015» вы зможаце пазнаёміцца зь гісторыяй, культурай, побытам насельніцтва ВКЛ і яго суседзяў, увачавідкі ўбачыць сярэднявечны ваенна-палявы лагер, стаць сьведкай рэканструкцый бітваў і турніраў, пазнаёміцца з рамёствамі, паўдзельнічаць у сярэднявечных гульнях і забавах, паслухаць сярэднявечную і этнічную музыку і з галавою акунуцца ў займальны сьвет нашых продкаў.

Фэст «ГонаруПродкаў 2015» плануецца зрабіць штогадовым, з прычыны чаго, на тэрыторыі яго правядзеньня «ніжнім парку» г.Вілейка будзе пабудаванае гарадзішча з замчышчам і сярэднявечным горадам. На фэст будуць запрошаны клубы гістарычнае рэканструкцыі з усіх гарадоў Беларусі, майстры-рамесьнікі, музыкі, выканаўцы сярэднявечнае музыкі, беларускія прадпрыемствы-ўдзельнікі, прадстаўнікі СМІ.

Сваім пачынаньнем мы імкнёмся схіліць моладзь да спорту і здароваму ладу жыцьця, выхаваць патрыятызм і гонар да сваёй Радзімы, спрыяць стварэньню спартовых каманд па сучаснаму мечавому бою, здольных адстойваць гонар краіны на міжнароднай арэне. Таксама імкнёмся прымножыць традыцыі народных рамёстваў, данесьці любоў да іх да насельніцтва, захоўваць і ўзбагачаць культуру і гістарычную спадчыну Беларусі.

Гісторыя і народныя рамёствы – гэта невычэрпны рэсурс цікавасьці ня толькі для жыхароў Беларусі, але і яе гасьцей, прымнажаючы і захоўваючы іх, мы разьвіваем турыстычную сферу нашае краіны на сусьветным рынку.

На фэсьце «ГонаруПродкаў 2015» для прыезджых будзе арганізаваны намётавы лагер. Гэта выдатнае сьвята для сямейнага адпачынку.

На фэсьце Вас чакаюць дзьве пляцоўкі:
-Рыцарская
-Этна-пляцоўка

Праграма рыцарскай пляцоўкі:

(3 ліпеня):

— Заезд удзельнікаў фэсту. Выстаўленьне лагеру.

1 дзень (4 ліпеня):
— да 11.00 Заезд удзельнікаў;
— 10.00-11.00 Музычны выступ, майстар-клас па танцах;
— 11.00-11.40 Урачыстае адкрыцьцё фэсту, прадстаўленьне клубаў;
— 11.40-12.10 Музычны выступ;
— 12.00-17.00 Турнір лучнікаў і арбалетчыкаў.
— 12.10-13.10 Турнір алебардыстаў;
— 12.30-13.00 Музычны выступ;
— 13.20-13.40 Батлеечная пастаноўка;
— 13.50-14.20 Тэатральная пастаноўка;
— 14.30-16.30 Турнір 5 на 5;
— 16.30-17.20 Тэатральнае прадстаўленне «Спаленьне вядзьмаркі»;
— 17.20-17.50 Музычны выступ, майстар-клас па танцах;
— 17.50-18.20 Бугурты (масавыя баі);
— 18.20-23.50 Вялікі канцэрт і фаер-шоу;

2 дзень (5 ліпеня):
— 11.00-11.30 Музычны выступ;
— 11.30-13.30 Двубой збраяносцаў, турнір рыцараў
— 12.00-14.00 Фінал турніру лучнікаў;
— 12.30-13.00 Музычны выступ;
— 13.30-14.30 Тэатральная пастаноўка;
— 14.30-15.00 Інсцыянаваньне штурму замка;
— 15.00-16.00 Бугурты;
— 16.00-18.00 Музычная праграма, майстар-клас па танцах;
— 18.00-закрыцьцё фэсту, узнагарода пераможцаў.

Этна-пляцоўка:

На тэрыторыі этна-пляцоўкі Вас будуць чакаць кавалі, керамісты, разьбяры па косьці і дрэву, ткачы і ткачыхі, гарбары і іншыя майстры, якія захоўваюць традыцыі народных Беларускіх рамёстваў. Зь іх дапамогаю кожны, хто пажадае, зможа праверыць свае здольнасьці і паспрабаваць выкаваць падкову, зрабіць гліняны гаршчэчак, саткаць пояс і інш.
Вашае ўвазе будуць прадстаўлены прадметы быту і прылады працы сялянскіх хатаў і двароў. Вам распавядуць чым жылі і як бавілі час нашыя бабулі і прабабулі.
Вы здолееце паслухаць сапраўдныя беларускія народныя сьпевы ў выканьні знакамітых гуртоў, паглядзець на майстар-класы па танцам і, вядома ж, самім патанчыць, пагуляць у народныя гульні і забавы. ...І яшчэ шмат-шмат іншага.

Арганізатары: КГР «Паходня».

Суполка ўкантакце