Беларускія эксперыментатары Re123+ прапануюць сачыць за запісам альбома анлайн
Апублікавана
у
Навіны
Удзельнікі беларускага experimental / drone / ambient праекта Re123+ падрыхтавалі сюрпрыз для слухачоў. Уноч з 26 на 27 сьнежня музыканты наладзяць анлайн-трансляцыю са студыі ў Санкт-Пецярбургу, дзе будзе адбывацца запіс гітарных партый для новага альбома калектыва. Інтэрнэт-карыстальнікі змогуць прасачыць за працай у прафесійнай студыі, першымі пачуць урыўкі новых кампазіцый гурта, пранікнуцца атмасферай ночы ды атрымаць каментары саміх музыкантаў.
На дадзены момант ужо гатовыя партыі бас-гітары і бубнаў. Пасля Новага года будуць запісаны трэкі з запрошанымі вакалістамі.
Інструментальны склад Re123+ будзе такім жа, як і ў асноўным гурце музыкантаў — Re1ikt. Па гучаньню новы альбом будзе бліжэй да drone doom і funeral jazz. Будзе ажыцьцяўлена канцэпцыя «начнога ансамбля».
На рахунку ў Re123+ 4 альбомы, выступленьні на канцэртах у Маскве, Кіеве і Менску. Папярэдні рэліз Re123+ «Magi» адбыўся ў сакавіку 2010 года на вядомым расейскім лэйбле Solitude Prod. Ён атрымаў шмат высокіх адзнак ад музычных крытыкаў ва ўсім сьвеце.
Прыкладны пачатак трансляцыі 00.30-01.00 па менскаму часу.
Спасылка для анлайн-прагляду
1 каментар
Справа ў тым што ён вулічны музыка, грае на тубе. Нецвярозыя «крабікі» святкавалі нешта — зламалі яму інструмэнт, адрамантаваць — праца тонкая.
Калі хто што ведае ці ўмее, калі хто можа дапамагчы сродкамі — звяртайцеся, дам кантакты, зможаце дапамагчы добраму чалавеку (я яму сёння паяльнік даў, мо дапаможа з дробязямі тубу запаяць).