avatar

Дударскі Клуб. Сустрэча зімы - 30 лістапада 2011
Апублікавана у Навіны



Дударскі Клуб працягвае пяты(!) сезон фальклёрна-танцавальна-алкагольных вечарынаў.

Гэтым разам, у апошні дзень восені, мы прапануем сустрэць зіму ў цёплай сяброўскай атмасферы!

Вас чакаюць гучанне дудаў (беларускіх і ня толькі), спевы і танцы, атмасфера карчмы, традыцыйнае шаленства, шмат піва і весялосьці.

У праграме — выступы адмысловых гасьцей, беларускія і еўрапейскія народныя танцы + джэмы ад дудароў і бубначоў з гуртоў Стары Ольса, Testamentum Terrae, Irdorath, Кашлаты Вох, Cornucopia i iншых. Для жадаючых – бясплатныя майстар-класы, кансультацыі ў настройцы і карыстанні інструментам.

Вечарыны Дударскага Клуба дый самі посьпехі ў адраджэньні старадаўняга музычнага інструмента — дуды — сапраўдны культурны феномен. Такога няма ані ў каго з нашых суседзяў! Хіба такое можна прапускаць?

30 лістапада (серада), 19:00 – 24:00 (уваход у клуб з 19:00, пачатак выступаў — каля 20:00)

Клуб RE:PUBLIC, Прытыцкага 62,
(200 метраў ад мэтро Кунцаўшчына)

Кошт уваходу — 15 000 руб.

УВАГА! Дударам з дудой уваход вольны! Таксама дудар з дудой можа правесьці аднаго чалавека бясплатна ;)

0 каментароў

Каб пакінуць каментар