Nemdis пра новы сінгл і запіс альбому
Апублікавана
у
Навіны
Гурт Nemdis зараз знаходзіцца на этапе запісу другога альбому. Альбом будзе прысьвечаны сусьветным праблемам, экалогіі і вайне. Тое, што адбываецца зараз у сьвеце, і асабліва ў нашых суседзяў, ня можа не ўплываць на музыку і тэксты гурта. На вялікі жаль, гэта вельмі актуальная тэма на сёньняшні дзень. Музыкі запісалі другі сінгл пад назвай The Lament, на які было зьнята таксама і лірык-відэа:
Варта адзначыць, што трэк атрымаўся сапраўды моцным і сакавітым. Бачна, што хлопцы знаходзяць свой саўнд і старанна працуюць над якасьцю. Не дарма каманда дзяліла сцэну ўжо з цэлым стосам на самай справе знакамітых замежных гуртоў. Вось, што сказалі самі музыкі Nemdis пра сінгл:
Вайна – гэта жах. Кожную хвіліну хтосьці гіне ў баявых дзеяньнях. І хоць вайна шмат каго абыходзіць бокам, яе халодны подых адчуваецца. Сьмерць і разбурэньне, якія сеюцца ёй, прыносяць ураджай людскога гора і пакуты па ўсёй планеце, і ў першую чаргу ня ў чым не вінаватым людзям. Ніхто ня ведае, што яго чакае. У гэтую бязьлітасную гульню пад назвай «Вайна» ўвесь час хтосьці далучаецца, становячыся чарговай адзінкай у сумнай статыстыцы. Няма ніякага выратаваньня ў вайне!
Гэтую надзённую тэму мы не маглі не закрануць. Нашае глыбокае эмацыйнае стаўленьне да вайны мы ўклалі ў песьню, якую і прадстаўляем вашай увазе. Яе назва кажа сама за сябе – The Lament. У гэтай песьні ёсьць агрэсія і стогн, жорсткасьць і галашэньне, канстатаваньне і зварот.
Слухайце і глядзіце! Вы адчуеце…
А пакуль Nemdis запісваюць альбом, вы можаце азнаёміцца з другім беларускім гуртом. Stormhold таксама не абышлі актуальныя сусьветныя праблемы ў сваім новым альбоме, рэцэнзію на які можна пачытаць тут.
8 каментароў
Охі-ахі, эмоцыі і енкі («lament») — гэта чыста жаночая пазіцыя, бо жанчына — гэта маці, прыродная задача якой — ахоўваць і расціць дзяцей. Ну або пазіцыя сытых офісных коцікаў-падкаблучнікаў.
Ганьба, карацей.
Ну як, цудоуна кажа дзядзька?
нармальныя хлопцы з «Правага сектара», «Патрыёта Украіны», «Сацыял-нацыянальнай асамблеі» і іншых суполак казалі пра вайну, хацелі вайны і такі пайшлі на вайну. Добраахвотнікамі.
Колькi людзей крывавым вопытам неяк бiлiся за тое каб да людзей дайшло, што нiчога добрага с патрыятызму (яшчэ з такога як там) ня выйдзе.
Iнтэрнет ды тэлебачанне прауды нам не пакажуць.
Але, зауважу, брат не павiнен бiць i катаваць брата. Нi у якiм выпадку.
Алсо, не хачу разводзiць тут тэму пра палiтыку i iншы бруд, давайце жыць мiрна.
А гаворка пра Оруэла, прыведзеная цытата якога — хлусня і прапаганда.
Вось яшчэ прыклад, якія абвяргае яго: значныя еўрапейскія дыктатары XX ст. — Гітлер, Мусаліні, Франка, Пілсудскі — мелі ў свой час рэальны франтавы досвед і адпаведную рэальную павагу. Ведалі вайну з пазіцыі акопу і абстрэлу, ня толькі з трыбуны.
Што да патрыятызму… Я беларус, патрыёт, нацыяналіст, карпаратывіст. Тэлевізар не гляджу, навінам не веру.
Нам з вамі сапраўды лепш не размаўляць пра палітыку.