avatar

Hammett аб фільме і альбоме Metallica
Апублікавана у Навіны

Metallica шмат ўклала ў фільм Metallica: Through The Never, які выйшаў на вялікі экран восеньню 2013 года. Зразумела, што гурт чакаў вялікага посьпеху сярод гледачоў. Цалкам публіка прыняла фільм дастаткова цёпла, але лічба збораў апынулася не такой вялікай, як чакалі Hetfield&Co. Гітарыст гурта Kirk Hammett распавёў аб рэакцыі на кінастужку ў новым інтэрв'ю.

Hammett кажа: «Я сапраўды лічыў, што мы зрабілі вельмі, вельмі якаснае і цікавае кіно. Я не зусім разумею, як так атрымалася. Мы ўклалі столькі часу, столькі намаганьняў, і перакананыя, што фільм стаў сапраўды такім, якім мы яго ўялялі. Нашыя фанаты адназначна пайшлі ў кінатэатры глядзець новы твор, але людзі, увагу якіх мы разьлічвалі прыцягнуць да гэтай падзеі, звычайныя кінагледачы, не набылі дужа шмат квіткоў мабыць таму, што не былі так зацікаўленыя, як прыхільнікі Мятлы.

Hammett дадаў: „Для нас гэта было складаным пытаньнем. Чаму? Мы так і не знайшлі адказ. Мы ведаем, што зрабілі вельмі якасны фільм, якім засталіся задаволеныя. Зараз прыйшоў час рухацца далей, да наступнай мэты. Прыйшоў час для запісу нашага новага поўнафарматніка.

Metallica плануе распачаць працу над новым альбомам у канцы студзеня/пачатку лютага. Гітарыст пацьвярджае інфармацыю: “Мы засядзем у студыі праз некалькі тыдняў і ўжо дакладна вядома, што новаму поўнафарматніку адназначна быць. Частку года мы будзем рабіць новую кружэлку, але таксама плануем турнэ па Паўднёвай Амерыцы вясной і еўрапейскія шоў летам, увесь астатні час мы будзем сядзець у студыі. Альбом — гэта галоўны прыярытэт гэтага года!

Тыя з вас, хто яшчэ ня бачыў кіно ад Metallica, могуць прачытаць рэцэнзію і паглядзець некалькі ўрыўкаў каб вырашыць, глядзець ці не глядзець. Чакаем новы альбом ды спадзяемся на нешта цікавае!

Сяргей Бохан (Rocker)

2 каментара

avatar
Трэба будзе забачыць фільм :)
avatar
Мляць, шаноуны Кiрк, а чаго ты чакау апасля курва, такiх альбомау кшталту «Lulu», «Losd» ды iньшага гауна?
Каб пакінуць каментар