HORNA - “Musta Kaipuu” (2009)
Апублікавана
у
Рэцэнзіі
Moribund Records
10 tks./59 min.
Tracklist:
1. Piina
2. Haudanvarjo
3. Aldebaranin Susi
4. Unohdetut Kasvot, Unohdettu Aani
5. Vuohenlahko
6. Oi Kallis Kotimaa
7. Pohjanportti
8. Sieluhaaska
9. Marraskuussa
10. Menneiden Kaiku
“…Што ж ты жадаеш, трыста галёнаў лайна – кветачкамі тут ня будзе пахнуць!” (© Эрык Картман)
Сябры мае, не распавядайце мне пра фінскі heavy metal. Пра pagan metal таксама. Ані пра які іншы фінскі мэтал мне не распавядайце. Я заняты. У дадзены момант я слухаю HORNA. А калі казаць больш дакладна — кампіляцыю гэтых нястомных акультных маньякаў з краіны Суомі, што завецца “Musta Kaipuu”. Што гэта значыць я ня ведаю абсалютна, ды й якая, да д’яблаў, розьніца. Бо перад намі – ня “найтвіш” і не “фінтроль”, перад намі – найагрэсыўнейшы, найблясфэмічнейшы, найчарнейшы мэтал з самых сутарэньняў паўночнага Тагасьвету.
Я, на жаль, не знаёмы з поўнай дыскаграфіяй фінаў (бо яна даволі значная па памерах), аднак, наколькі магу меркаваць, гэтую плытку склалі як кампазыцыі, што ўваходзілі ў ранейшыя альбомы, так і рэчы, што засталіся “за бортам” паўнафарматных плытак. Агулам, “Musta Kaipuu” гучыць як нармальны, паўнавартасны і даволі цэласны рэліз. Калі ў чым ён і саступае ў параўнаньні з папярэдняй плыткай, дык толькі ў пляне хуткасьці музыкі: зараз гэта ўжо не шалёны шторм “Sanojesi Aarelle”, але крыху больш разьмераная порцыя татальнага музычнага вар’яцтва. Ага, вар’яцтва анікуды не падзелася, не хвалюйцеся. А чаго вы, уласна, жадалі, мэлёдык-думу? “Вікінгаўска-лянцкнехтаўская” кампазыцыя “Oi Kallis Kotimaa”, з амаль ABSURD’аўскім гучаньнем, канечне, разбаўляе крыху атмасфэру ўсепаглынальнай дарктронаўшчыны, але выключна настолькі, каб вуха слухача пасярэдзіне плыткі здолела зачапіцца за цікавую, нехарактэрную, у прынцыпе, для HORNA, фішку. У астатнім – алькагольна-рок-н-рольны true black у лепшых традыцыях жанру – не дадаць і не адняць. Адным словам, мае рэкамэндацыі аматарам (а неаматары яшчэ чытаюць гэтую рэцэнзыю?) — згадзіцеся, ня так шмат гуртоў, у шэрагу тых жа DARKTHRONE ці KHOLD, здольныя граць такую музыку небанальна.
Lutavit, 616/666.
2 каментара