Door Into Emptiness - Vada (2011)
Апублікавана
у
Рэцэнзіі
У гэтым годзе, як і ў мінулым, я не чакаў ад беларускай сцэны нічога выдатнага, аднак пільна сачыў за навінамі з фронту айчыннага металу, пры гэтым захоўваючы порцыю надзеі і неўласцівы мне аптымізм.
Надышоў 2011-ы год. Рэлізы маіх землякоў ішлі натужна, зрэшты, як заўсёды, у большасці сваёй не прадстаўляючы для мяне асаблівай цікавасці. Аднак я чакаў і спадзяваўся, умела душачы ў сабе скептыцызм. І нечакана маё цярпенне было ўзнагароджана па поўнай праграме!
Справа ў тым, што «Door Into Emptiness» выпусцілі вельмі якасны, незвычайны, арыгінальны альбом. Па нестандартнасці, грандыёзнасці і рэалізацыі свайго творчага патэнцыялу гурт мне нагадаў землякоў «Sick».
Першы трэк адметны сваім рэлаксуючым уздзеяннем, ён быццам выносіць душу ў нейкую далеч, нават, прызнацца, адчуваецца нейкі халадок, і прабягаюць мурашкі па скуры, мы плаўна пераносімся ў нешта касмічнае, лятучае.
Працягам шляху да нязведанага і непазнанага з'яўляецца другi трэк, і нават нягледзячы на агрэсіўнае ўздзеянне вакалу і нагнятаючую атмасферу, пераход ад эмбиентаўска-лунаючага «Vada» да агрэсіўнага і ўжо відавочна касмічнага «Vir» праходзіць вельмі плаўна.
Радуе ідэальнае сумяшчэнне блека і эмбіенту ў альбоме, у следстве чаго ствараецца непаўторная атмасфера: рэлаксацыя змяняецца на агрэсію і злосць, а лунанне душы пераходзіць у безвыходнасць. Калі казаць аб трэках «Vir», «Last Hunting» і «Odan», то гэта проста шэдэўры эмбіенту!
Беларускамоўныя тэксты добра ўпісваюцца ў агульную карціну і надаюць альбому скончаны выгляд. У хлопцаў, безумоўна, свой непаўторны стыль, які можна назваць «НЛА-метал». Дадзены альбом раю паслухаць ўсім аматарам незвычайнага і нестандартнага, праца геніяльная, але не для ўсіх.
Рэцэнзія напісана непрафесійна, але ад душы. Прывітанне з Мар'інай Дуркi. Ваш змрочны таварыш Silencer.
1 каментар