avatar

Тролль Гнёт Ель у Гомелі
Апублікавана у Рэпартажы

38 Фота
image
У суботу, 3 лістапада, нам, карэспандэнтам БМ, давялося наведаць выступ піцерскага гурта Тролль Гнёт Ель. Выступ праходзіў ў малой зале Гомельскага ГЦК і, як казалі арганізатары, залу абіралі па агульнай колькасьці прададзеных квіткоў. Напэўна таму і пуставала суседняя зала, большая па памерах. Да ўсеагульнага расчараваньня не працаваў бар. Але, як паказаў вечар, потым усім ужо было не да бара. Каму трэба — той прыйшоў ужо гатовым, астатнія жа аддавалі часьцінку сябе ля сцэны.
Было пазначана, што першыя 100 квіткоў будуць па кошце ў 70к, але нам дасталіся ўжо за 90к. Толькі вось, на мой погляд, у зале было менш за 100 чалавекаў.
Але гэта дробязі.

Таму як інфармацыя пра пачатак канцэрта з розных крыніц была супярэчлівая (дзе гаварылася, што пачатак а 18.00, дзе а 20.00), на гурт ТРАКТИРЪ патрапіць нам не ўдалося, на вялікі жаль. Памятаю, як спадабаўся выступ хлопцаў, калі яны прыязджалі ў госьці ў Менск.

Такім чынам, а 20.00 на сцэну падымаюцца ўжо самі Тролі. Зь першых жа гукаў становіцца ясна, што музыкі гатовы аддаць натоўпу фанатаў усе свае сілы і зарадзіць іх неймавернай колькасьцю энергіі і вясёлага настрою. У сваю чаргу фанаты не марудзілі з аддачай. Вясёлыя песьні нікога не пакінулі абыякавым і ў зале была практычна 100% актыўнасьць. Гук быў на ўзроўні, і ўсё было добра чуваць. Пачатак мяне цешыў.

Ужо пасля некалькіх кампазіцый стала ясна, што зала зусім не падыходзіць да выступу такога гурта, бо на ўваходных дзьверах можна было вешаць таблічку «Лазьня». Але гэта не перашкодзіла музыкам скончыць першы акт.
Народ нарэшце адпачывае ды раскрывае вокны залі і дае магчымасьць сьвежаму паветру запоўніць душную прастору.

Акт другі.
Музыкі з абноўленымі сіламі паднімаюцца на сцэну. Ахоўнікі расьпіхваць ўсіх, хто можа перашкодзіць Тролям на шляху да сцэны. Гэтак жа трапляю пад раздачу і я. Але нічога. Вось Тролі зноў пачынаюць граць і зала распаляецца! Духацень пачынае набіраць абароты, як і энергія ад музыкаў. Усё праходзіць гладка, усе танчаць!
І вось гучаць апошнія ноты… Апускаецца заслона… Музыкі сыходзяць у грымёрку. Усе чакаюць іх вяртаньня, каб зрабіць фатаздымкі на памяць і абавязкова атрымаць аўтографы. І вось Тролі выходзяць няпоўным складам. Выйшаў толькі галоўны Троль. Нічога, яму прышлося адпрацаваць за ўсіх)
Але тут нечакана зьяўляюцца доблесныя супрацоўнікі АМАПу і са словамі «яшчэ хвіліна і ўсе будуць фатаграфавацца з намі» просяць пакінуць памяшканьне.
Увогуле, усе засталіся задаволеныя. І мы ў тым ліку. Шчасьлівыя, адправіліся на вакзал чакаць свой цягнік.

P.S. Дзякуй Тролям і арганізатарам канцэрта за афігенную імпрэзу.

38 выяў

3 каментара

avatar
Файна! ) Шкада, што мяне не было! будзем чакаць, але ўжо ў Менску! ))) Толькі адно не разумею, калі вы былі акрэдытавана, чаму вы ўлі па квітках?! Няўжо спадар Паўліхін зноў ўзяўся за старое?! )))
avatar
Файна! ) Шкада, што мяне не было! будзем чакаць, але ўжо ў Менску! )))
Падтрымліваю!

І пра квіткі так сама цікава… Расказвай!
avatar
Акрэдытавана была толькi я. А той, хто пiсаў водгук не. Ён за кампанию паехаў i не ад БМ.
Каб пакінуць каментар