Jorn - Symphonic (2013)

Апублікавана 26 студзеня 2013, 14:01 у Навіны

Jorn — Symphonic (2013)

25 студзеня ў Еўропе выйшаў вельмі незвычайны альбом нарвежскага хард-рок вакаліста Йорна Ландэ, які атрымаў назву «Symphonic». «Symphonic» не зьяўляецца новым альбомам у поўным сэнсе гэтага слова — гэта, хутчэй, зборнік песень з папярэдніх рэлізаў Йорна, дбайным адборам якіх нарвежскі вакаліст займаўся асабіста і якія былі старанна пераробленыя з тым, каб дадаць да ўжо існуючых хард-рок структураў грандыёзныя аркестравыя аранжыроўкі.

«Я вырашыў не выбіраць самыя відавочныя песьні JORN, таму што не хацеў, каб гэты альбом здаваўся звычайным рэлізам» лепшых песень"," тлумачыць былы фронтмэн MASTERPLAN. «Некаторыя песьні, якія вельмі нетыповыя ў кантэксьце JORN, былі абраныя толькі таму, што асобныя выдатныя песьні маюць звычай забывацца, а таму заслугоўваюць права на другі шанец». Такія рэчы як «I Came to Rock», «Burn Your Flame» і «Behind The Clown» прадстаўлены інтрыгуюча, гэта толькі ўзмацняе разнапланавасьць і глыбіню класічнага кампазіцыйнага ладу і манеры выкананьня Йорна. Па словах сьпявака: "«I Came To Rock» у гэтай версіі можа нават падацца слухачу чымсьці кшталту брадвейскага мюзікла, а ня песьняй цяжкога рок-гурта, як то JORN. Новая версія «Behind The Clown» паказвае, як моцна ў дзяцінстве я быў зачараваны Кейт Буш. «Burn Your Flame», наадварот, атрымалася сапраўды сьвежай і моцна адрозьніваецца ад арыгінала з альбома «Spirit Black» 2009 года". «Symphonic» таксама зьмяшчае кавер-версію песьні DIO «Rock And Roll Children», якая раней нідзе не выдавалася. «Спадзяюся, што альбом вам спадабаецца, быць можа, вы зноўку адкрыеце для сябе забытыя песьні...»

01. I Came to Rock
02. Rock and Roll Children
03. The World I See
04. Burn Your Flame
05. Man of the Dark
06. My Road
07. Time to Be King
08. Black Morning
09. Like Stone in Water
10. Vision Eyes
11. War of the World
12. Behind the Clown
13. A Thousand Cuts
14. The Mob Rules