Vistery з новым альбомам
Апублікавана
у
Навіны
Беларускі death-metal гурт Vistery выпусцілі свой новы альбом Sinister Prophecy.
Спасылка на альбом: rusfolder.com/32191131
Спасылка на афіцыйную старонку: vk.com/vistery_band
Вось каментарый стваральніка гурта:
«Выпуская год таму свой першы альбом, у мяне не было аніякай аўдыторыі, у суполцы састаяла ўсяго 9 чалавекаў, маіх знаёмых. Было крайне цяжка заваёўваць сваіх першых слухачоў у нашым агрэсіўна-настроеным ўседасведчанным грамадстве. Было атрымана шмат водгукаў, станоўчых і адмоўных, шмат крытыкі. Больш за ўсё крытыкавалі бас ды вакал. Кіруючыся ўсім гэтым, я стараўся ўдасканальваць сваю музыку, застаючыся верным абранаму стылю.
Да новага альбому я ставіўся вельмі дрыготка, імкнучыся дагадзіць і сабе і астатнім. Праэкт перастаў быць сольным. Прыкінуўшы свае магчымасьці, мы вырашылі выціснуць максімум. Кожны з нас ладна напакутваў с запісам. У працэсе былі задзейнічаны тры менскіх студыі і найлепшае абсталяваньне, якое атрымоўвалася дастаць.
Мы абяцалі выпусціць альбом увесну, потым улетку, і вось ён выходзіць зараз. Гэта ўсё таму, што ўвесь час хацелася зрабіць нешта крыху лепш. Кантрольны трэк быў зьведзены па адзінаццаць разоў перш чым мы заставаліся цалкам задаволеныя.
Я стварыў тэму для другога альбома з апытаньнем. Пышыце ў ім свае думкі, водгукі, галасуйце за лепшы трэк, крытыкуйце, рабіце рэпост. Усё гэты вельмі моцна мне дапамагло пры стварэньні гэтага альбома і дапаможа ў будучыні.
Вялізарнае ўсім дзякуй за падтрымку і цікавасць да гэтага зусім не папулярнага, практычна вымерлага дэзу.»
3 каментара