Exist-M “Час ужо паказаць сябе!”
Апублікавана
у
Навіны
Новы перыяд сваёй дзейнасці менскі мэтал гурт Exist-M пачынае з цвёрдым жаданнем выступіць па ўсёй Беларусі, а таксама як мага болей у суседніх краінах!
У кастрычніку і лістападзе адбудуцца канцэрты ў Брэсце і Гродна. 29 кастрычніка гурт выступіць у кіеўскім клубе “Xleb” разам з вядомым украінскім метал-гуртом Fleshgore, а напрыканцы лістапада ў якасці хэдлайнера на фестывалі у заходнем Луцку! Таксама ў хуткім часе адбудуцца выступы ва украінскіх Сумах, Хмельніцкім, Данецку, расейскім Смаленску і ў польскім Сулецыне, і нават у госці чакае далекі Ужгарад, але на жаль пакуль не мае сродкаў запрасіць да сябе.
Заўсёды маладыя, але ўжо з 6-гадовай гісторыяй Exist-M нарэшце вызначыліся з канчатковым саставам і гатовыя да актыўнай канцэртнай дзейнасці! Чацвёртым і канчатковым удзельнікам калектыву стаў бубнач Вадзім «Forneus» Кандрацюк, вядомы па сумеснай працы з камандамі ID:Vision, DEATHBRINGER, SOLARWARD і шмат якімі іншымі.
“Мы не пафасныя, у нас няма складаных райдэраў ці спецыфічных патрабаванняў, – кажа дырэктар калектыву Яўген Беркутаў – Наша галоўная мэта каб нашую музыку і нашыя ідэі пачула як мага болей народу. Таму мы гатовыя выступаць хоць у ДК, хоць на рэпетыцыйных базах, ці на простых андэграундных канцэртах. Нашая мара даць канцэрты ва ўсіх закутках роднай краіны, нават у тых, куды яшчэ “не ступала нага музыкаў”. Хай гэта будзе і Столін, і Брагін і Хойнікі. Нашыя патрабаванні даволі простыя – добры гук і каб дызельны сіненькі мінівэн нашага сябра на якім мы ездзім не стаў без паліва)!”
А ўжо 23 кастрычніка гурт выступіць у родным Менску, у клубе Салтайм разам з украінцамі E.M.I.L.I.A., таму запрашаем усіх прыхільнікаў металу і проста добрай музыкі далучыцца да нас і да нашага ўнутранага свету!!!
Тасама чакайце ў хуткім часе Exist-M:
29 кастрычніка, Кіеў, клуб XLIB
5 лістапада, Гродна, ДК імя Грэка
12 лістапада, Брэст, ДК БЭМЗ
19 лістапада, Луцк, клуб Зміна
2 каментара