avatar

Azure Lakes. Крывавыя вочы блакітнавокай
Апублікавана у Навіны

Wartha – Azure Lakes15-га студзеня на лэйбле «SoundAge Productions» адбыўся рэліз альбому «Azure Lakes» беларускамоўнага металічнага гурта Wartha.

Назва «Azure Lakes» у перакладзе з ангельскай — блакітныя азёры. Нашу краіну часта называюць блакітнавокай, а таксама — краінай азёраў. Ангельскі варыянт быў абраны выключна дзеля большага разуменьня замежнымі слухачамі, як і лацінскі варыянт беларускага альфабэту ў буклеце ды назвах трэкаў.

Альбом складаецца зь 9 даволі павольных трэкаў. Ад самотных ды поўных ляманту да ўлагоджаных ды амаль радасных песень.

WarthaМузыка Wartha — гэта heavy-металічная аснова з украпленьнямі doom, folk ды black metal элементаў. Даволі простыя рыфы існуюць у адвечнай зьмене гамаў, выкарыстоўваюцца фальклёрныя інструманты, а вакальныя партыі аднолькава любяць як чыстыя, так і брудныя вакалы.

Новы альбом «Azure Lakes» прысьвечаны эскапізму, растварэньню ды зьнікненьню. Таксама як і тым невядомым закатаваным і забітым, хто зьнік у беларускай зямлі. Натхненьнем паслужылі ў роўнай ступені як і спакойныя краявіды беларускага паазер'я, так і крывавая сумная гісторыя Беларусі ўвогуле.

Запіс альбому адбываўся на BR Studio ды расьцягнуўся больш чым на год.Wartha У запісу ўдзельнічалі як і непасрэдныя ўдзельнікі гурта, так і сэсійныя музыкі, такія як Артур Мацьвеенка (Dzivia), Эльвіра Сьцельмашук (Omut), Эмілія Скарабагатая, Вадзім Шэндэр (Omut), Зьміцер Багачук ды Расьціслаў Галубнічы (Alfar, Kliodna). Дызайнам ды вокладкай займаўся непасрэдна вакаліст гурта.

Зьвядзеньне таксама адбывалася на BR Studio.
Альбом можна замовіць на лэйбле SoundAge Productions, набыць на Itunes ды афіцыйным Bandcamp, а таксама замовіць непасрэдна ў прадстаўнікоў гурта.

Wartha

Паслухаць альбом можна тут.

4 каментара

avatar
О, пляны пяцігодкі датэрмінова!!! Пісалася, што кружэлка выйдзе ў лютым, а тут і на табе. Затое цяпер новым фэнам цяжэй будзе здабыць першы альбом гурта — «Паўстань», бо Екацярынбург яшчэ далей (у нас жа няма каму выдаваць такое). Але замаўляйце тут www.stygiancrypt.com/rel_ru.php, як і я гэта зрабіў (нумар у каталёґу SCP 072). Там мэтал-беларусаў шмат.
avatar
www.stygiancrypt.com/rel_ru.php коска лішняя да спасылкі на першы CD прыклаелася. C'est la vie!
avatar
Першы альбом можна набыць і ў музыкаў наўпрост, дыскі ў наяўнасьці.
Цяпер гутарка аб сьвежым альбоме. Як ён вам, дарэчы, спадар Вітаўт?
avatar
А я ўжо выказаўся на тэґу «Паслухаць альбом можна тут» (цісьніце, чытайце, астатнія думкі прыберагу для рэцэнзыяў). А першы альбом нешта ў музыкаў ніяк ня купіць Юрась Мурашка, былы мэнэджар гурта «Мроя». Скажу яму, каб праявіў настойлівасць, бо чёньня ёсць — заўтра няма.
Каб пакінуць каментар