avatar

Сюрпрыз для фанаў ад Amy Lee
Апублікавана у Навіны

Калі Amy Lee ў канцы 2012 года абвясьціла, што Evanescence зробяць перапынак у дзейнасьці, яе фанаты задаліся пытаньнем, якім будзе яе наступны праект. Цяпер мы ўсё ведаем, таму што вакалістка зьняла ўсе пытаньні сваім твітам для прыхільнікаў, у якім распавяла пра сваю цяжарнасьць. У Twitter’ы франтвумэн растлумачыла, што ня можа болей захоўваць гэты сакрэт, будучае дзіцё — гэта самы вялікі і значны “праект” яе цяперашняга жыцця. Пакуль яшчэ невядома, ці будзе гэта хлопчык, альбо дзяўчынка. Твіт Amy Lee можна паглядзець ніжэй.

Сярод іншых навінаў наконт сьпявачкі цікава ўзгадаць падачу іска на свой былы лэйбл Wind-Up Records. Amy плануе адсудзіць грошы на суму ў 1 млн. даляраў.
Таксама яна падзялілася інфармацыяй аб тым, што працавала над новай музыкай, але не для Evanescence. Сьпявачка нядаўна аб'ядналася з кампазітарам Dave Eggar’ам, каб стварыць музыку для новага фільма War Story, які дэбютаваў на кінафестывалі Sundance. Яна назвала фільм «вельмі цёмным» і "інтраспектыўным" і дадала, што гэта вельмі добра перадаецца саўндтрэкам. Яна таксама напісала адну новую песьню для фільма пад назвай «Push The Button».


Сяргей Бохан (Rocker)
  • 1763

0 каментароў

Каб пакінуць каментар