avatar

Lemmy: рок-н-рол да канца дзён
Апублікавана у Навіны

На працягу мінулага года франтмэна легендарнай фармацыі Motorhead Lemmy Kilmister’а атачала цемра розных плётак наконт стану яго здароўя, таму зараз шмат хто зь яго фэнаў хвалюецца за самаадчуваньне музыкі. Сам Lemmy ня так даўно крыху распавёў пра гэта. Зараз жа можна азнаёміцца зь інтэрв'ю менеджара гурта. Todd’а Singerman'а наконт пра ўзьлётаў і падзеньняў франтмэна.

Незадоўга да зьяўленьня гематомы, у чэрвені гэтага года, Lemmy ў грудзях быў імплантаваны дэфібрылятар, з-за чаго былі адмененыя некалькі выступаў. Нават падчас выступу на Wacken Open Air 2013 гурт быў вымушана скараціць свае шоў. Пасьля гэтага Lemmy на сцэне больш ніхто ня бачыў, нягледзячы на выхад новага альбома Aftershock.

Singerman распавёў часопісу Decibel пра стан здароўя Лэмі. «У яго ёсьць сапраўды дрэнная праблема з дыябетам, і яна мяняецца на штодзённай аснове», — кажа Singerman. «У большасьці выпадкаў гэта барацьба з дрэннымі звычкі, яму лепей зрабіць зь імі перапынак. Музыка кінуў паліць, але я ўпэўнены, што ён уціхую глушыць Джэк ды колу. Ён бы сам схлусіў вам, калі б сказаў, што спыніўся. Лэмі спрабаваў замяніць віскі віном, і я ўпэўнены, што гэта крыху дапамагло. Ён лічыць, што віно лепш, чым Джэк, але гэта ўсё яшчэ амаль тона цукру для яго. Нажаль, дагэтуль не прыйшло разуменьне таго, што тут літаральна адзін дэман мяняецца на іншага. Гэта быў яго кампраміс зь лекарамі, замяніць Джэк віном. Але ж ніхто не скажа ім пра ўжываньне дзьвюх бутэляк на дзень. Вось такія бойкі мы праводзім адзін з адным. Майце на ўвазе, ён рабіў усе гэтыя рэчы на штодзённай аснове амаль ўсё сваё жыцьцё, яшчэ з часоў Hendrix’а. Гэта вельмі сумна для зоркі, таму што ўсё жыцьцё яму сыходзілі з рук дрэнныя звычкі.”

Singerman таксама гаворыць, што гэта ня Lemmy вырашыў адмяніць еўрапейскае турнэ гурта ў 2013. „Гэта зрабіў я, таму што Лэмі ня быў гатовы“, тлумачыць Singerman. „Ён не хацеў адмяняць канцэрты, але на працягу лета яго здароўя не хапала для шоў. Ён павінен быў адпачываць гэтыя тры летнія месяцы, але спрабаваў выступаць і скончыў на Wacken, на якім ён не павінен быў граць. Тады там было сьпякотна і ўвесь сэт пройшоў пад сонцам. Адзінае, чым я ганаруся, што у музыкі атрымалася спыніцца амаль у апошні момант, вельмі разумны ход зь яго боку. Уся сутнасьць у тым, што ён павінен знайсьці баланс, а затым жыць адпаведна яму на працягу некалькіх месяцаў. Але мы пакуль ня можам знайсьці гэты баланс. Ён пражыў вельмі насычаны кавалак жыцьця, які зараз абламаўся.”

Сяргей Бохан (Rocker)

0 каментароў

Каб пакінуць каментар