Новы альбом Judas Priest у 2014
Апублікавана
у
Навіны
Брытанскія метал-легенды Judas Priest жадаюць усім сваім фэнам шчасьлівых Калядаў. Асаблівую радасьць гэтаму сьвяту яны надаюць тым, што крыху адхіляюць таямнічую заслонку перад сваім новым альбомам. У калядным пасланьні гурт пацьвердзіў, што кружэлка зьявіцца ў крамах ужо ў 2014 годзе. Доўгачаканы рэліз культавай фармацыі металісты чакаюць з 2008 года, калі выйшаў апошні на сёньняшні дзень альбом Nostradamus. Яшчэ ў жніўні яны скончылі запіс матэрыялу з новым гітарыстам Richie Faulkner’ам, які замяніў спадара K.K. Downing’а.
Франтмэн Rob Halford распавёў пра 17-ы альбом у інтэрв’ю Billboard: “Альбом цяжкі. Спадзяемся, што ён прыйдзецца даспадобы ўсім паклоннікам Judas Priest. Мы ведаем, што павінныя захаваць сваю рэпутацыю і павінныя выпусьціць нешта сапраўды моцнае і жорсткае. У гэтай працы вы знойдзеце ўсё тое, за што так любіце наш гурт. Ня думаю, што магу дадаць нешта яшчэ, каб ня быць павешаным альбо чацьвертаваным!”
Надоечы Judas Priest апублікавалі наступнае каляднае паведамленьне на сваім афіцыйным сайце:
“Жадаем усім нашым фанатам выдатных Калядаў і вельмі металічнага Новага году!
Мы выпусьцім новы альбом недзе ў 2014 годзе, таму сачыце за абнаўленьнямі!”
Вось і зьявілася яшчэ адна прычына чакаць Новы год. Будзем сачыць за навінамі наконт 17-га альбома Прыстаў і дзяліцца імі з вамі!
0 каментароў