avatar

Новыя відэа Artillery, Amon Amarth і Nightwish
Апублікавана у Навіны

Чарговы тыдзень амаль скончыўся і мы, як заўсёды, падрыхтавалі для вас падборку трох самых цікавых відэа. Нашымі героямі сталі такія знакамітыя метал-гурты, як Artillery, Amon Amarth і Nightwish.

Пачнем мы з датскіх трэшэраў Artillery. Зараз мы можам паглядзець на новы відэакліп металістаў на загалоўную кампазіцыю з апошняга альбома гурта Legions. Рэжысёрам кліпа стаў Morten Sandberg Madsen.
Michael Stützer каментуе новы кліп: «Відэа на загалоўную песьню зь Legions было зроблена ў Рандэрсе, маленькім горадзе ў Ютландыі, Данія. Было вельмі цікава і весела запісваць новае відэа. Кліп распавядзе пра гісторыю ваяра, які вярнуўся дадому з вайны, каб змагацца з усімі яе дэманамі, але ніколі не пакінуў легіёны! Выйшла вельмі выдатнае відэа, якім мы вельмі ганарымся!»
Так яно ці не, вы можаце паглядзець самі!


За трэш металам, грукаючы дасьпехамі, ідзе новы кліп ад гурта Amon Amarth. На самой справе гэта ня кліп, а новае lyric-відэа на песьню As Loke Falls, з апошняга альбома гурта Deceiver Of The Gods. У цяперашні час гурт гастралюе па Еўропе разам з Carcass, Hell і Bleed From Within. Усё тое, за што мы любім гэтых шведаў, можна знайсьці і ў новым відэа.


Замыкаюць троіцу сёньня фіны Nightwish. Пра вакалістак гэтага гурта было ўжо столькі ўсяго сказана і напісана, што ня хопіць і тыдню, каб усё нагадаць. Але тым ня менш, хлопцы ўжо с трэцьцяй дзяўчынай на вакале працягваюць граць. Новы DVD/Blu-Ray пад назвай Showtime, Storytime выйдзе ўжо 29-га лістапада, а ўжо зараз мы можам паглядзець/паслухаць Ghost Love Score (альбом Once). Відэа было зроблена падчас выступу Nightwish на Wacken Open Air 2013.

0 каментароў

Каб пакінуць каментар