avatar

Акадэмічны хэві метал
Апублікавана у Навіны

Ва ўніверсітэце ангельскага Нотынгэма цяпер можна будзе атрымаць акадэмічную ступень па гісторыі і грамадзянскаму ўплыву музыкі ў стылі хэві метал. Курс працягласьцю два гады будуць чытаць выкладчыкі новага каледжа Нотынгэма. Пасьля яго сканьчэньня ўсім слухачам будуць выдадзеныя афіцыйныя сертыфікаты, а тыя зь іх, хто яшчэ год адучыцца ва ўніверсітэце горада, атрымае ступень бакалаўра.

Па словах кіраўніцтва ВНУ, у рамках гэтага курса ўсе жадаючыя змогуць даведацца пра вытокі жанра, вывучыць яго ўплыў на грамадзянскае і культурнае жыцьцё, а таксама прааналізаваць тэксты найбольш выдатных гуртой з філасоўскай кропкі погляду.

Пасьля атрыманьня пачатковых ведаў аб прадмеце, удзельнікі змогуць паехаць з сапраўднымі гастролямі па гарадах Вялікабрытаніі, каб атрымаць “неабходны практычны вопыт для працы ў індустрыі”.

“Хэві метал – гэта вельмі складаны з тэхнічнай кропкі погляду музычны стыль і апошнім часам ён усё часьцей зьяўляецца прадметам дасьледваньняў акадэмічнага супольства”, — сказаў выкладчык Ліям Мэлой, які на працягу апошніх 7 месяцаў ствараў навуковую базу курса. – З гэтай прычыны кіраўніцтва ўніверсітэта вырашыла ўпершыню ўключыць гэты жанр у вучэбную праграму”.

Першыя заняткі па гісторыі і ўплыву цяжкага року адбудуцца ў Нотынгеме ўжо ў верасьні, кошт курса складзе 5750 фунтаў (прыблізна 9.000 даляраў) у год.

0 каментароў

Каб пакінуць каментар