avatar

Exist M выпусьцілі кліп
Апублікавана у Навіны

Менскі modern metal гурт Exist M выпусьціў кліп на песьню «Room 101» са свайго апошняга альбома «Redefining».

Сюжэт кліпа заснаваны на вобразе таго самага «Пакоя 101» з рамана Джорджа Оруэла «1984» і распавядае аб працэсе ломкі чалавека.

«За аснову сюжэту мы ўзялі тое, што адбываецца ў Оруэлаўскім «Пакою 101», адаптавалі-асучасьнілі і прапусьцілі праз прызму сваёй сьвядомасьці. Атрымалася гэтакая «экзістэмаўская інтэрпрэтацыя». Агульная карціна даволі неадназначная, таму месца для палёту думак дастаткова», — кажа вакалістка банды Насьця Паламар.

«Задумка рэалізаваная на 100%. Прычым, гэта не экранізацыя оруэлаўскіх вобразаў, а іхная праэкцыя на сьвядомасьць простага чалавека.
Мяркуем, кожны зможа знайсьці нешта сваё ў адным з пэўных вобразаў Насьці ў кліпе, а можа нават і ва ўсіх. Кліп атрымаўся такім, якім яго і хацелася бачыць: пра яго ня трэба распавядаць — ён сам усё раскажа за сябе», — дадаў бас-гітарыст Аляксей.

Тое, што вы бачыце — гэта вынік доўгай і карпатлівай працы велізарнага калектыву сяброў і паплечнікаў. Менавіта калектыўнымі намаганьнямі і калектыўным розумам гурту і атрымалася гэта зрабіць. Здымкі і мантаж расьцягнуліся на некалькі месяцаў, бо аднаго энтузіязму для патрэбнага выніку аказалася недастаткова. Патрэбны быў вопыт, які прыйшлося набываць у працэсе.

1 каментар

Каб пакінуць каментар