avatar

Litvintroll: Прэзентацыя альбома Czornaja Panna
Апублікавана у Навіны

Litvintroll18 траўня ў менскім клубе Re:Public ансамбль Litvintroll прадставіць ўсеагульнага увазе свой новы альбом, пад назвай Czornaja Panna (Чорная Панна).

Litvintroll утварыўся ў 2005 годзе і першапачаткова граў акустычную музыку на старадаўніх інструментах, але з часам трансфармаваўся ў фолк-метал калектыў. Першы альбом — "Rock'n'Troll" быў добра прыняты публікай. За ім прайшла серыя канцэртаў — гурт адыграў на незлічонай колькасьці пляцовак у Польшчы, Украіне, Летуве, Нямеччыне, Аўстрыі, Эстоніі, Расеі і Беларусі. Вясной 2012 года музыкі ўвайшлі ў студыю, каб пачаць запіс новага матэрыялу.

Гэты альбом кардынальна адрозьніваецца ад дэбютнага дыска, ад якога яго аддзяляе доўгіх 4 гады. Слухача чакае фантастычная сумесь металу, псіхадэлічнага року і думу, запраўленая ладнай доляй фолку — гэта тое, што Litvintroll ўмее рабіць лепш за ўсіх. Кожная песьня — гэта маленькая гісторыя, ня дзіўна, што амаль ніводная зь іх не зьмясцілася ў традыцыйны троххвілінны фармат.

Загалоўная кампазіцыя зьвяртаецца да сумнай гісторыі Барбары Радзівіл — Чорнай Панны Нясьвіжа, чые няшчаснае каханьне, якое стала натхненьнем не аднаму пакаленьню паэтаў і драматургаў, паклала пачатак трагічным для нашых продкаў падзеям.

Каб годна прадставіць слухачам новы дыск, запланавана грандыёзнае шоў, роўнага якому яшчэ ня бачылі гэтыя сцены. Акрамя таго, разам з Litvintroll на сцэну выйдуць шматлікія старыя сябры — тыя, без каго існаваньне ансамбля было б немагчыма.

Падтрымаць Litvintroll прыедуць і госьці з Расіі — прагрэсіў-пэйган-фолк-метал гурт РарогЪ — добрыя сябры і выдатныя музыкі, якія зараз калясяць па сваёй радзіме з турам у падтрымку альбома «Сыны Сокала». Яны як ніхто здольныя запальваць полымя людскіх сэрцаў, дапамагаючы слухачу акунуцца ў атмасферу старажытных часоў.

І, вядома, гэтым канцэртам Litvintroll хоча ўшанаваць памяць свайго сябра — басіста Алега Клімчанка, які трагічна загінуў у верасьні мінулага года прама на сцэне. Безь яго не было б ні гэтага ансамбля, ні гэтага альбома.

vk.com/czornajapanna
www.litvintroll.com

8 каментароў

avatar
Беларускамоўны грурт на беларускамоўным сайте піша анонс на расейскай мове. Сорам-сорам, ая-яй.
avatar
Сумесна выправілі недарэчнасьць.
avatar
*да не моралізаторствуй тут!*
avatar
*да не навязывай всем своё едінственно правільное мненіе!*
avatar
*да сначала добейся!*
avatar
*да покажі на своём прімере, как ты борешься, а потом уж разевай рот!*
avatar
*да мы для людей бесплатно дело делаем, а ты кухонный крітік!*
avatar
P.S.
Ва ЎСІХ удзельнікаў гурта асабістыя старонкі практычна цалкам на рускай мове. У кагосьці яшчэ і са стандартнымі быдлапрыколамі. Нацыянальны авангард…
Каб пакінуць каментар