Навагодняе віншаваньне ад BelMetal

Апублікавана 31 сьнежня 2012, 19:33 у BelMetal

З Новым годам і Калядамі, паважаныя чытачы і ўдзельнікі праекта БелМетал!
Дзякуй, што ўвесь гэты час вы былі з намі. 2012 быў першым паўнавартасным годам функцыянаваньня нашага праекта. За гэты час было зроблена шмат, і шчэ шмат застаецца наперадзе.

У новым годзе мы плануем пашырыць дзейнасьць па стварэньню кантэнта: запусьціць некалькі новых разьдзелаў сайта і знайсьці новых аўтараў. Будзе шчэ больш навінаў, аглядаў, інтэрв'ю, будуць рэцэнзіі на дыскі з партнёрскіх лэйблаў, зьявяцца відэаагляды. Сабраныя ад чытачоў пажаданьні па канкрэтных пытаньнях будуць разгледжаныя і зьдзейсьненыя. Гэтаксама БелМетал пачне працаваць на мабільнай версіі.

Што тычыцца сферы канцэртаў, то іх фармат будзе пашырацца. Будуць знакамітыя, у тым ліку замежныя, калектывы пры ўдзеле беларускіх гуртоў. Нязьменнай застаецца мэта падтрымкі таленавітых маладых каманд і, канешне ж, папулярызацыя беларускай мовы.

2013 год нездарма лічыцца спрыяльным для творчасьці. Мы запрашаем далучацца да нашага руху і разам разьвіваць беларускую сцэну. Усіх са сьвятам, сябры, і да сустрэчы ў новым годзе!